Pelosi har reist frå Taiwan
Militærflyet med USAs kongressleiar Nancy Pelosi flydde frå Taiwan i dag klokka 12.00 norsk tid (18.00 lokal tid). Det melder AFP.
Torsdag skal ho møta den politiske leiinga i Sør-Korea, før ho avsluttar Asia-reisa med eit stopp i Japan, skriv Reuters.
Pelosi landa på Taiwan i går kveld. Under besøket sitt har ho møtt Taiwans president Tsai Ing-wen, og besøkte parlamentet.
Tysdag fortalde Pelosi at diskusjonane mellom landa under besøket ville dreia seg om USA si støtte til Taiwan, og fremma landa sine felles interesser.
Kina har reagert på besøket, og varsla militære operasjonar i havområdet rundt Taiwan då det blei kjent at Pelosi skulle besøka landet.
Kina ser på Taiwan som deira territorium, og har åtvara om at konsekvensane av besøket vil vera alvorleg.
