Minst 182 pasientar berørt av ny feil i Helseplattformen
Det skriv Adresseavisen.
St. Olavs hospital skal ha oppdaga feil i legemiddellistene, stadfestar sjukehusdirektør Grete Aasved overfor avisa fredag.
Feilen skal ha oppstått då Helseplattformen AS oppdaterte legemiddellista i epikrisane som vert sendte ut ved utskriving av pasientar.
Konskekvensane kan vera at pasientar har fått feil doseing av medisin.
Oppdateringa skjedde 30. oktober, men sjukehuset vart fyrst klar over det 23. november. Feilen skal vera retta, ifølgje sjukehusdirektøren.
– Me samarbeider tett med Helseplattformen AS, kommunane og andre samarbeidsaktørar for å førebygga at feilen i legemiddellisten ikkje resulterer i alvorlege hendingar, seier Aasved.
Onsdag vart det også kjent at 44 radiologiske henvisingar til samarbeidspartnarar utanfor St. Olavs hospital ikkje hadde kome fram.
