Mindre grensehandel enn før pandemien
Talet på nordmenn som handlar i Sverige har stabilisert seg på eit lågare nivå enn før pandemien, viser tal frå DNB. I andre kvartal handla nordmenn for 2 milliardar kroner, medan det blei gjort 1,1 millionar dagsturar til Sverige. Dette er på nivå med same periode i fjor, men 23 prosent lågare enn i 2019, som var det siste normalåret før pandemien, skriv NTB.
Svensk prisvekst og svak norsk krone får noko av skulda. I tillegg har kvotar for alkohol og tobakk endra seg.