Milliongebyr til Telenor

Telenor er pålagt 15 millionar kroner i straffegebyr for brot på ikkje-diskrimineringsforpliktinga knytt til leveransar til ulike kundegrupper. Det inneber at Telenors eiga sluttbrukarverksemd har opplevd ein meir presis leveranse enn eksterne tilgangskjøparar av fysisk tilgang til Telenors aksessnett.

– Det verkar etter Nkoms vurdering som ei openberr konkurranseulempe for tilgangskjøparane, seier leiar Hans Jørgen Enger i Nkoms konkurranseavdeling.