Miljødirektoratet vil verna all myr
Miljødirektoratet foreslår eit forbod mot nedbygging av all myr i Noreg.
Dette svarar til i underkant av 30 000 km² som vil seia omtrent 9 prosent av arealet i Noreg.
Forbodet er for å redusera klimagassutslepp og ta vare på truga artar.
– Dette er verkeleg vinn-vinn for både klima- og natur. Vi føreslår eit forbod mot nedbygging av myr som vil hindra frigjering av klimagassar som har vore lagra i tusenvis av år, sikra framtidig karbonbinding og samstundes sørgja for at over 600 artar på raudlista får behalda heimane sine, seier Ellen Hambro, direktør for Miljødirektoratet i ei pressemelding.
