Kulturstreiken blir trappa opp

Streiken i kultursektoren held fram og blir trappa opp etter at partane torsdag ikkje fann ei løysing då dei var til meklingsmøte.

LO meiner arbeidsgivaren har låst seg fast. Streiken har gått føre seg i fleire veker.

– Eg er skuffa, men ikkje overraska. Eg har alltid tru på at vi kan finna løysingar i mekling, men denne gongen var det ikkje særleg optimistisk. Det viste seg diverre å vera riktig analyse, seier Lise Olsen, nestleiar i LO Stat og forhandlingsleiar.

– Spekter og våre scenekunstmedlemmar er både skuffa og overraska over at LO har bestemt seg for å halda fram streiken i teater, orkester og opera, og at det ikkje var mogleg å finna løysing i dagens mekling, seier Spekter sin administrerande direktør, Anne-Kari Bratten.