Kong Harald besøkte ukrainske flyktningar
Kong Harald og kronprins Haakon besøkte i dag ukrainske flyktningar på UDIs akuttinnkvartering på Helsfyr i Oslo.
Her fekk dei høyre ukrainske born synge den ukrainske nasjonalsongen, møte flyktningar og fekk ei orientering om arbeidet som blir gjort i Noreg for å ta i mot flyktningane.
– Det var veldig rørande. Dei var veldig prega av situasjonen, sa kongen då han møtte pressa etterpå.
På spørsmål om Noreg gjer nok for å hjelpe dei som er i Ukraina, svarte kongen at det er eit vanskeleg spørsmål.
– Gjer vi for mykje blir det verdskrig. Gjer vi for lite blir det hungersnød. Det er om å gjere å finne balansen, sa han.
Kronprins Haakon sa at det var flott at nordmenn stiller opp og viser støtte til Ukraina i denne situasjonen.
– Vi såg døme på det her inne i dag. Vi høyrde direkte frå nokon av dei som er råka og som har kome hit. Då er det fint å sjå at eit heilt apparat av flinke folk stiller opp og tar seg av dette her, og rundt om i heile landet, sa kronprinsen.
Ordføraren i Oslo, Marianne Borgen, og UDI-direktør Frode Forfang var også til stades.