IS hevdar dei står bak bombeåtak i Filippinane
Minst fire personar mista livet i eit bombeåtak under ei katolsk messe i Marawi, sør i Filippinane. Omtrent 50 personar er skadde, opplyser myndigheitene.
Fleire nyheitsbyrå melder om at Den islamske staten (IS) har teke på seg ansvaret for åtaket.
– Soldatane detonerte ei bombe under ei samling av kristne i byen Marawi, skreiv den jihadistiske gruppa på Telegram.
Politiet seier dei etterforskar m det var ein improvisert sprengladning eller ein granat som førte til eksplosjonen.
Messa fann stad på eit universitet i byen Marawi som vart omringa av islamistiske grupper i 2017.
Åtaket kan ha noko å gjera med at militæret den siste tida har gjennomført «operasjonar» retta mot islamistiske grupper i byen, ifølgje AFP.