Google endrar namnet på Mexicogolfen til Amerikagolfen for amerikanske brukarar, opplyser Google på X.

– Vi har lenge halde fast ved å endre namn når dei blir endra i dei offisielle kjeldene til styresmaktene, skriv dei.

Endringa skjer etter at Donald Trump gav ordre om å endre namnet. Også fjellet Denali i delstaten Alaska endrar namn til Mount McKinley i karttenesta, i tråd med ordren frå Trump.

Men Mexicogolfen heiter framleis Mexicogolfen utanfor USA.

– Når ulike land har ulike offisielle namn, ser brukarane det offisielle namnet som blir brukt der dei er. Resten av verda ser begge namna, skriv Google.