Gir pengar til skulebøker for å få ned skjermbruken
Regjeringa vil løyve pengar som skal brukast på bøker i skulen. Dette skal bidra til å motverke skjermbruk. Det kom fram under landsmøtetalen til Ap-leiar og statsminister Jonas Gahr Støre torsdag.
– I ei ekstraordinær løyving no i mai, vil vi gi skulane 120 millionar kroner i friske midlar til innkjøp av lærebøker, spesielt for dei minste barna på alle språk, også på samisk, sa Støre.
I tillegg skal regjeringa sette ned eit utval for å utvikle ny politikk for skjermbruk, kunstig intelligens og digitalisering i skulen.