Går ut med namn på omkomen frå dødsulykke i Telemark
Det var 66 år gamle Bente Åse Søfteland frå Oppegård som blei funnen død i ei hytte i Tinn kommune i går.
Politiet etterforskar omstenda rundt dødsfallet, men mistenker ikkje at det ligg noko kriminelt bak hendinga, skriv politiet i ei pressemelding.
Ektefellen blei transportert til Oslo universitetssjukehus og er under medisinsk behandling.
Politiet skreiv i går at dei mistenker at dødsfallet skuldast ein gasslekkasje.