G7: Vil bruke frosne russiske middel til Ukraina-hjelp
G7-landa utforskar måtar å bruke fortenesta frå framtidige beslaglagde russiske middel til å hjelpe Ukraina.
Det kjem fram i eit foreløpig utsegn frå finanssjefane i G7, melder nyheitsbyrået Reuters. Dei har enno ikkje kome fram til ein endeleg avtale.
Då Russland invaderte Ukraina i 2022, fraus G7-landa russiske aktiva til ein verdi av rundt 300 milliardar dollar.
Ei endeleg stadfesting av planen er venta i løpet av laurdag, melder Reuters.
I dag avsluttar det tre dagar lange møtet mellom G7-landa sine finansministrar og sentralbanksjefar, i Stresa i Italia.
