Forsvarsminister på sjukehus igjen

Den amerikanske forsvarsministeren Lloyd Austin blir lagt inn på sjukehus fredag amerikansk tid. Det melder fleire nyheitsbyrå.

Han skal gjennom planlagt, ikkje-kirurgisk behandling. Vise-forsvarsminister Kathleen Hicks tar mellombels over ansvaret.

Austin blei operert for prostatakreft i desember i fjor, men det er uvisst om det er i samband med dette at han no skal på sjukehus igjen.

Det vekte merksemd i fjor at ministeren ikkje varsla presidenten om at han var sjuk.