Fleire kvinner enn menn tar tredje vaksinedose

Rundt 1,54 millionar kvinner har hittil tatt tredje vaksinedose mot covid-19 her i Noreg, medan talet er 1,43 millionar for mennene.

At over 100.000 fleire kvinner enn menn har valt å ta tredje vaksinedose, er ei utvikling som bekymrar FHI, skriv TV2.

– Det er uheldig, sidan me også ser at menn er overrepresentert når det gjeld alvorleg forløp av covid-19, seier FHI-overlege Are Stuwitz Berg til TV 2.

Berg seier det er vanskeleg å peika på éin konkret årsak til at kvinner er overrepresentert, men understrekar at kvinner generelt søker tilboda i helsetenesta i større grad enn menn.

Han oppfordrar både menn og kvinner til å følga dei gjeldande anbefalingane om vaksinar.