Fleire drepne i russiske angrep i Kharkiv
Minst fire personar er drepne og åtte skadde i eit russisk angrep i Kharkiv-regionen, ifølge lokale styresmakter, melder Reuters.
På same tid hevdar Ukrainas president Volodymyr Zelenskyj at dei ukrainske styrkane har framgang med å slå tilbake det russiske angrepet i regionen. Men dette er ikkje stadfesta av uavhengige kjelder.
Den ukrainske marinen hevdar også at dei har øydelagt ein russisk minesveipar i Svartehavet laurdag, ifølge Reuters.