Fem tenåringar dømde for drap i Sverige
Fire gutar og ei jente i tenåra er dømde for drap eller medverknad til drap i Uppsala tingrett, melder Expressen.
Dei fem er dømde for å ha teke livet av ein mann ved henging i slutten av mars, etter at jenta hadde meld den drepne for valdtekt ein månad tidlegare.
Ein 19-åring er dømd til fengsel på livstid, medan to andre blir dømde til fire år i lukka ungdomsheim.
Jenta og kjærasten hennar er dømde til lukka ungdomsheim i tre år og seks månader for å ha medverka til drap.
