Drone stansa flytrafikken i Tromsø
Troms politidistrikt seier det er observert ei stor drone i lufta ved bydelen Håpet. Avinor stansa flytrafikken til og frå Tromsø lufthamn på grunn av den ulovlege droneflyginga.
Politiet har ikkje klart å lokalisere dronen, skriv dei i ei oppdatering like før klokka 14.
– Er ca. ein time sidan den sist blei observert, og det er ikkje lenger grunnlag for å tru at den no er i luftrommet i nærleiken av flyplassen. Flya som måtte vente med å lande, har no fått lande, skriv dei.