Dette skjedde natt til 11. desember

32 arrestert ved Mexico-grensa
Amerikanske styresmakter har arrestert 32 personar etter demonstrasjonar mot USAs asylpolitikk ved grensa til Mexico. 31 av dei er arrestert for å ha teke seg ulovleg inn på statleg eigedom, og éin person er arrestert for å ha gått til åtak på ein politimann.

Par i 70-åra mista bustad i brann
Eit eldre par vart køyrd til traumemottaket på Kalnes sykehus, medan bustaden deira utanfor sentrum av Halden var heilt overtent og totalskadd natt til tysdag. Mannen har fått brannskadar. Også tre naboar blei evakuert.

Mote skal bli meir klimavennleg
Motegigantane H&M, Hugo Boss, Puma, Adidas og Levi's skal om 32 år ikkje lenger sleppe ut klimagassar. Selskapa har i ei felles pressemelding i samband med FNs klimatoppmøte i Polen kunngjort at dei skal gå saman om å skjerpe ambisjonane på klimafeltet.