Brann i bustad i Karmøy kommune
Politi og naudetatane rykker ut til melding om brann i bustad i Karmøy kommune.
Brannvesenet er kome til staden og startar sløkking av brannen. Det er observert flammar ut av taket på bustaden.
Dei veit førebels ikkje om det er personar inne i bustaden, seier vaktleiar Nils Simmerøy hjå Sør-vest 110-sentral.
– Røykdykkarar driv med søk, seier han til NRK.
07.20 skriv politiet at brannen er sløkt. Det skal ikkje vera fare for andre bygg i nærleiken.
Politiet seier at dei ikkje har grunn til å tru at det er folk i huset.
– Per nå ser det ikkje ut til at det er personer innendørs, seier operasjonsleiar i Sør-Vest politidistrikt, Roger Litlatun.
Det er ein person som bur i huset som politiet førebels ikkje har kome i kontakt med.