Barth Eide: Har hatt samtaler om Midtausten under klimatoppmøtet
På klimatoppmøtet vart også situasjonen i Midtausten diskutert, fortel utanriksministar Espen Barth Eide (Ap) til NRK.
Han seier UD mellom anna har jobba via Qatar for å få ut nærmare 60 nordmenn, også nå medan dei er i Dubai, kor mange av partane er tilstade.
Kven har vore utslagsgivande?
– Det må vera semje mellom Egypt, Israel og dei som har kontroll inne i Gaza. Den gode nyheita nå er at alle på lista praktisk talt er klarerte.
Kva rolle har Quatar no framover?
– Dei har ei nøkkelrolle i alt dette. Både når det gjeld det praktiske med å få ut gislar, men også med å koordinera partane.
Kva dialog har det vore rundt situasjonen i Midtausten her på klimatoppmøtet?
– Me har nytta høvet godt fordi om lag alle aktørar har vore her, også Israel og Gaza. Me har snakka mykje om dette, og det er ei stor interesse for å få det over i eit anna spor. Ikkje minst er det ynskeleg å sjå korleis ein kan gjera noko med situasjonen på Vestbredden. Me har diskutert dette med mange av nabolanda, og det er stor uro for regional spreiing.