Austerrike vil at EU skal skilje straum- og gassprisar

Austerrike ber EU om å kople straumprisar frå gassprisar for å hindre han i å stige ytterlegare på grunn av ringverknader frå Ukraina-krigen.

– Elektrisitetsprisane må ned. Vi kan ikkje la Putin bestemme kvar dag kva energiprisane skal vere, sa statsministeren i Austerrike Karl Nehammer søndag.

– Vi må stoppe denne galskapen som skjer no på energimarknaden, sa han.

Nehammer la til at han vil ta saka opp på EUs kommande krisemøte om energi. Han meiner temaet om fråkopling må vere på dagsorden.

Statsministeren skal allereie ha teke dette opp med den politiske leiinga i Tyskland, og Tsjekkia, som for tida har EUs roterande presidentskap.

Europeiske straumprisar steig til nye rekordar denne veka. Det er varsla at europeiske land står overfor ein vanskeleg vinter etter at Russland har kutta i gassleveransane.

(NTB)