690 millionar til norsk ammunisjonsproduksjon
Regjeringa tek Noreg inn i det europeiske ammunisjonsprogrammet Act in Support of Ammunition Production (ASAP). Kring 690 millionar kroner vert sett av til programmet.
– Medlemskapen har potensial til å utløysa milliardinvesteringar til auka produksjonskapasitet i norsk forsvarsindustri, skriv forsvarsminister Bjørn Arild Gram (Sp) i ei pressemelding.
Noreg betaler kontingenten på 190 millionar kroner for at norsk industri kan søka om middel. I tillegg sett regjeringa av inntil 500 millionar kroner som kan verta gitt i støtte til bedrifter som søker om støtte gjennom ASAP, og som vil auka produksjonskapasiteten sin i Noreg.
ASAP har eit fond på 500 millionar euro. Europeiske forsvarsbedrifter som vil utvida kapasiteten sin, kan søka fondet om å få dekka inntil 45 prosent av investeringskostnadene.
