Shabana Rehmans minnepris til Abida Raja

Den fyrste mottakaren av Shabana Rehmans minnepris er Abida Raja, melder TV 2.

Abida Raja er systera til Venstre-politikaren Abid Raja. Ho gav i 2022 ut boka «Frihetens øyeblikk», som er skriven av Håkon F. Høydal. Der fortel ho om eit liv prega av mellom anna tvangsekteskap og fysisk og psykisk vald.

Komikaren og samfunnsdebattanten Shabana Rehman gjekk bort 29. desember i fjor, etter lengre tids kreftsjukdom. Rehman blei heidra med gravferd på staten si bekostning.

I januar blei det kjend at Nettavisen og organisasjonen LIM – livssyn, likestilling og mangfald – saman ville etablere minneprisen i Shabana Rehman sitt namn.