Forslaget går ut på at foreldre til born mellom eitt og halvtanna år skal kunne krevje uløna permisjon frå staten – ein halvtime kvar til mor og far.
Familiepolitisk talskvinne i SV, Gina Barstad, meiner dette kan vere gull verdt for småbarnsforeldre.
- LES OGSÅ:
Vil ha færre i deltidsjobb
– Ein halvtime kan vere gull verdt om morgonen, særlig dersom du har ein liten unge som skrik og er vanskeleg. Det er til dømes den tida det tek til henting og bringing i barnehage, og ein halvtime mindre med det dårlege samvitet som mange foreldre kjenner på, seier ho.
Eit viktig mål for SV er at færre kvinner vel deltidsjobb. Gina Barstad, meiner ei permisjonsordning med ein times fri for småbarnsforeldre kan motverke dette.
– Det er rett og slett eit forslag som i all hovudsak skal gjere det enklare for småbarnsforeldre å kombinere full jobb og å ha heilt små born i barnehage.
Trur det førar til meir tidspress
Leiar for Høgres kvinneforum, Julie Voldberg, er skeptisk. Ho trur at resultatet vil bli det motsette av kva SV ønskjer å oppnå.
– Eg er sikker på at formålet til SV er veldig bra. Dersom småbarnsforeldre skal gjere same jobb, men på kortare tid, vil det føre til ein meir stressande kvardag, og ikkje ein mindre stressande kvardag.
Fagorganisasjonen YS foreslo eit liknande tiltak i 2004.
– Milliardane som nyttast til kontantstøtte er akkurat summen me treng for å finansiere ein 6 timars arbeidsdag med full løn for småbarnsforeldre. Ei glitrande god løysning på tidsklemma, sa YS-leiar Randi Bjørgen den gongen.
- LES OGSÅ:
Om løysninga var glitrande eller ikkje, så vart den ikkje prioritert av organisasjonen den gongen. Debatten om 6 timars arbeidsdag har rast i lang tid, men blei erklært død av fornyingsminister Rigmor Aasrud frå Arbeidarpartiet førre sommar.
– Forsøk visar at sekstimarsdagen ikkje er det verkemiddelet som er viktigast for å få arbeidstakarane til å stå lengre i jobb. Då får me ta med oss den erfaringa og leite etter andre tiltak som bidrar til dette, sa Aasrud til NRK.
Er dette eit godt forslag? Stem og kommenter under!