Ifølgje Steven Elgesem, innehavar av West Foto på Frogner i Oslo, kom tenestemannen frå overvåkingspolitiet (POT) ein gong tidleg på 1980-talet til butikken med to fotokopiar, eitt med Treholt og eitt med toppsjefen til KGB i Noreg, Leonid Makarov.
Spørsmålet var om Elgesem kunne laga eitt foto der dei to stod saman.
Komplisert
– Eg stussa litt. Dette ville ha vore ei svært komplisert oppgåve på den tida, seier Elgesem til Aftenposten.
- LES OGSÅ:
- LES OGSÅ:
Elgesem hadde på den tida allereie eit samarbeid med dåverande POT, ved at overvåkingspolitiet automatisk fekk kopiar av alle bilete han framkalla og kopierte for den sovjetiske ambassaden.
– Eg torde ikkje
Eitt av bileta som felte Arne Treholt. Her saman med dei russiske agentane Gejjadij Titov og Aleksandr Lopatin på gata i Wien i 1983.
Foto: Politiet / SCANPIXHan takka likevel nei til det ekstraordinære oppdraget, fordi ei slik manipulering var så krevjande at det ville involvert ein dyktig tilsett som på den tida var aktiv i AKP-ml, seier fotobutikk-innehavaren til Aftenposten.
- LES OGSÅ:
- LES OGSÅ:
– Eg veit ikkje korleis han ville ha reagert. Nei, eg torde ikkje og sa nei, seier han til Aftenposten.
Vil forklara seg
Elgesem seier vidare at han laga tusenvis av kopiar for den sovjetiske ambassaden i Oslo, som han tok dobbeltkopi av og deretter leverte det eine settet til POT.
Elgesem har teke kontakt med Arne Treholt sin forsvarar Harald Stabell og seier han gjerne vil forklara seg for Gjenopptakingskommisjonen.
