– Når tilbodet er større enn etterspurnaden, går minsteprisen ned. Dette er heilt naturleg, seier Kenneth Garvik, salsleiar i Noregs sildesalslag.
Det var avisa Kyst og Fjord som fyrst skreiv om saka.
Sidan november i fjor har minsteprisen på sild i Noreg blitt evaluert og oppdatert kvar veke. Kvar fredag ser ein på gjennomsnittsprisen på salet dei førre to vekene, og minsteprisen vert då 80 prosent av denne.
– Denne ordninga er til for å følgje marknaden, fortel Garvik.
Marknaden att er påverka av kvoten, svingingar i valuta og kor mykje som vert fiska kvar veke.
– Tidlegare vart det forhandla fram éin minstepris i året, men med den dynamiske minstepris føl ein marknaden betre, og kan lettare konkurrere, seier Garvik.
- Les også:
Godt vêr førte til lågare prisar
– I veke to var det godvêr, og mange la ut på fiske, seier Garvik.
Det blei fiska over 43 000 tonn den veka, og er langt over etterspurnaden i marknaden. Det førte til låge prisar, som igjen gjev låge prisar neste periode.
– For å samanlikne vart det fiska om lag 24 000 tonn denne veka, og eg tvilar på mykje kjem inn etter klokka sju i kveld, ler Garvik lett.
– Men på den ljose sida, flatar nedgangen ut, så kanskje minsteprisen stabiliserer seg noko no, seier Garvik.
- Les også:
– Det er slik marknaden er
– Det er ingen dramatikk i dette, det er berre slik marknaden er, seier Steinar Jonassen, leiar av Nordland fylkes Fiskarlag.
– Fiskarar og kjøparar er einige om denne ordninga, og den gagnar nok fiskarane i det lange løp, sidan me kan halde tritt med konkurransen, seier Jonassen.
I tillegg til godvêret, skuldar Jonassen mykje av prisnedgangen på kvoten, som er betydeleg større i år enn i fjor.
– Kvoten er nærare dobbelt så stor i år, så ein nedgang i pris bør ikkje komme som ei overrasking på nokon, seier Jonassen.
IKKJE UROA: Jonassen trur ordninga med dynamisk minstepris kjem til å gagne fiskarane i det lange løp.
Foto: Josef Benoni Ness Tveit / NRK– Det er aldri kjekt at prisane går ned, men slikt skjer, og det må me finne oss i, avsluttar Kenneth Garvik i Noregs Sildesagslag.
- Les også:
