Både redningsskøyte, Sea King-helikopter, Røde Kors og Sivilforsvaret deltek i søket.
– Redningsaksjonen går føre seg for fullt. Vi har både Røde Kors og Sivilforsvaret ute og leitar. I tillegg har ein god del frivillige hjelpt til i aksjonen, seier Espen Olsen, politibetjent ved Brønnøy og Vevelstad lensmannskontor.
Politiet ber om tips i saka, og seier ein bør ringje 02800 om ein har opplysningar.
Ber folk sjekke garasjar
– Politiet ynskjer at folk som bur i Brønnøysund sjekkar kring sine eigne hus, garasjar og båtar, og gjev oss beskjed om ein finn noko, seier Olsen.
Mannen blei meld sakna i natt i firetida. Politiet valde å sette ressursar i sving med det same.
– Han har brunt hår, er kring 170 cm høg og hadde ei brun skinnjakke og dongeribukser på seg sist han vart sett, seier Olsen.
– Er det slik at mannen ikkje ynskjer å bli funnen?
– Vi veit rett og slett ikkje, svarar Olsen.
Røde Kors i Brønnøysund har hadde om lag 60 frivillige i søk sundag kveld. Dei spurde også om hjelp frå resten av befolkninga til søk.
Stoppar søket om kvelden
– Me tek opp at leitinga i morgon tidleg ved soloppgang, seier Rune Leer, informasjonsmedarbeidar i Politiet.
Både Sivilforsvaret, hundepatruljar, Redningsskøyta og Røde Kors vil halde fram søket i området kring Brønnøysund. Frivillige var med på søket sundag, og det er ikkje klårt om desse vil trengast igjen.
– Parallelt med redningsaksjonen går det føre seg ei etterforsking. Vi vil finne ut av kva som har skjedd med mannen og kvar han kan opphalde seg, seier Leer.
– Har de nokon teori om kva som kan ha gått føre seg?
– Nei. Vi ynskjer framleis tips frå befolkninga. Om nokon ser eller veit noko – ta kontakt med Politiet, seier Leer.
Politiet kan kontaktast på telefon 02800.