Innfører nye rutinar etter funn av kamera

Nordland fylkeskommune innfører nye rutinar etter at det i vinterferien blei funne videokamera i taket på seks handikaptoalett på Hadsel vidaregåande skule.

Det opplyser fylkeskommunen i ei melding.

Videokameraene var godt kamuflerte, men blei likevel oppdaga av personell ved skulen på torsdag sist veke.

Dei nye rutinane handlar om auka bevisstheit og å sjekke lokala rutinemessig.

– Teknologien har kome så langt at eit kamera kan bli skjult i praktisk talt kva som helst. Det viktigaste vi kan gjere er derfor å ha auge og øyre til stades med tanke på unormale ting i kvardagen.

Det seier fungerande fylkesdirektør for utdanning og kompetanse, Geir Hareide Hansen.

– Så vil jamne rutinar for å sjekke lokale kome som eit tillegg. Det bør også verke avskremmande på dei som eventuelt går med tankar om å utøve slik kriminalitet, seier han.