NRK Meny
Normal

Kranglar om Nobelmiddagen

Stortingspresident Dag Terje Andersen meiner at altfor få stortingspolitikarar vart inviterte til Obama-festen på Grand i går kveld.

Arbeid- og inkluderingsminister Dag Terje Andersen.

Stortingspresident Dag Terje Andersen (Ap).

Foto: Josefsen, Jon-Michael / SCANPIX

Sjå debatten i Dagsnytt 18

Stortingspresidenten ser det som naturleg at Stortinget er betre representert på Nobelmiddagen enn i går. Han synest det er spesielt rart at leiaren for utanrikskomiteen (Ine Marie Eriksen Søreide frå Høgre) ikkje var blant dei inviterte.

Mange frå næringslivet

Dag Terje Andersen reagerer på at det var såpass mange næringslivsleiarar til stades.

Inge Lønning

Inge Lønning ville hatt fleire politikarar til stades under Nobelmiddagen.

Foto: Solum, Stian Lysberg / SCANPIX

- Det at sponsoarar deltek på konserten dei sponsar er ikkje så rart, men spørsmålet er om det er like naturleg at dei blir inviterte til Nobelmiddagen, seier han.

Han får støtte frå tidlegare stortingsrepresentant Inge Lønning (H). Han reagerer sterkt på at ikkje heile presidentskapet i Stortinget vart invitert. Han synest også det er «umusikalsk» at ikkje regjeringsmedlemene og partileiararane Kristin Halvorsen (SV) og Liv Signe Navarsete (Sp) fekk vere med.

LES OGSÅ: Takket moren, søsteren og Nobel

LES OGSÅ: - Høres ut som noe Bush kunne ha sagt

LES OGSÅ : - Høres ut som noe Bush kunne ha sagt

Avviser kritikken

Nobel-direktør Geir Lundestad

Geir Lundestad avviser kritikken.

Foto: Heiko Junge / Scanpix

Dagleg leiar for Nobelinstituttet og sekretær for Nobelkomiteen, Geir Lundestad, avviser kritikken. Han minner om at det var langt fleire politikarar enn næringslivsleiarar til stades ved banketten, og at det ikkje har vore gjort endringar i forhold til i fjor.

Han fnyser av påstandane om at banketten liknar meir og meir lik ein amerikansk "fund raising dinner", der amerikanske poltikarar inviterer pengesterke næringslivsfolk held for å sikre seg valkamppengar.

Han seier at næringslivstoppane var inviterte fordi dei sponsar Nobelkonserten, men også fordi dei støttar Nobelsenteret i Oslo. Lundestad minner om at det ikkje ville ha vore mogleg å drive senteret utan støtte frå sponsorar.