Bølgjekraft i staden for vind
Tussa Kraft vil utvikle bruk av bølgjekraft for produksjon av elektrisk straum. Eit prøveannlegg på det mest verharde området ved Runde på Sunnmøre skal vise om utstyret kan temje kreftene i havet.
Administrerande direktør i Tussa Kraft, Elling Dybdal seier at fordelen med vindkraft er at utviklinga av ustyret ha kome langt. Men Tussa sin tanke er at det er behov for meir grøn energi og då er bølgjekrafta meir effektiv dersom ein reknar i kraft pr flateeining.
Nyutvikla
Bølgjekraftverket er utvikla i universitetsmiljøet i Uppsala, og testa i tre år på svenskekysten. No skal det settast på tøffare prøver.
Bøyene som duppar i bølgene er kopla med ståltau til kraftaggregata på havbotnen. Bøyene sine rørsler i takt med bølgjene på overflata skaper energien. Gjennom ein sjøkabel blir så straumen knytt til straumnettet som alt finst. (Sjå video)
