Sommeråpent reiser på campingtur

I sommar er det campingliv som står i høgsetet når Sommeråpent legg ut på turne. Programleiarane lovar spennande gjester, konkurransar og mykje moro.

Sommeråpent 2019

UT PÅ TUR: Programleiarane for årets Sommeråpent på NRK er (f.v.) Linn Skåber, Øystein Bache, Robert Stoltenberg, Ida Rasch, Atle Bjurstrøm, Ole Rolfsrud, Nadia Hasnaoui, Ingrid Gjessing Linhave, Margrethe Røed, Christian Strand og Christer Johnsgård. I tillegg skal også Mikkel Niva, som ikkje var til stades, vere programleiar.

Foto: Julia Marie Naglestad / NRK

Dei siste åra har NRK teke sommarprogrammet Sommeråpent ut i landet. Programmet har blant anna gått i fjellet, teke Hurtigruten og reist med tog. I år blir det campingliv frå sør til nord i seks veker.

Ingrid Gjessing Linhave og Robert Stoltenberg startar turneen 1. juli på Moysand camping i Fevik, som også fyller 90 år i år.

– Det skal bli supert, og så synest eg at det bra av vi skal vere i ro. No har det vore mykje reising i fleire år. Det skal bli herleg å kunne sitte ned og ha internett, og slikt. Det blir luksus, seier Linhave som har fleire sesongar av Sommeråpent bak seg.

For Robert Stoltenberg blir dette derimot ei heilt ny erfaring.

– Det blir litt rart for meg å berre vere meg sjølv, utan å ha på kostyme. Det blir nok ei utfordring. Men heldigvis har eg rutinerte folk som Ingrid rundt meg.

FØRSTE PAR UT: Robert Stoltenberg og Ingrid Gjessing Linhave startar årets Sommeråpent 1. juli på Sørlandet.

Vil dykke ned i campinglivet

Kvar veke blir det i år «Campinglekene» i Sommeråpent, der familielag møtast til venleg kappestrid i konkurransen om å bli «konge av campingplassen».

I tillegg håper Margrethe Røed og Øystein Bache, som skal sende frå Larkollen ved Moss, at dei skal kunne få ta ein djupdykk ned i campinglivet.

– Det som er spesielt på ein del av dei større campingplassane, er at det er ein del fastliggarar som etablerer seg med gjerde rundt campingvogna, og så blir dei der i generasjon etter generasjon. Det er ei verd eg aldri har vore inne i tidlegare, og som skal bli spennande å dykke ned i, seier Bache.

DJUPDYKK: Margrethe Røed og Øystein Bache gler seg til å vise mangfaldet på campingplassen når dei besøker Larkollen utanfor Moss.

Dei har allereie hatt ein del kontakt med Larkollen, som mange kjenner frå NRK-serien «Campingliv» frå 2001, om folk vi skal få møte.

– Vi skal møte alt frå fireåringen til oldemor på nitti som ferierer på campingplassen. Det er svære luksuscampingvogner og bitte små campingvogner der familiane bur ein heil sommar.

Laster kart, vennligst vent...

FRÅ SØR TIL NORD: Sommeråpent skal besøke campingplassar over heile landet i sommar.

Campingminne

Camping er ei ferieform som er svært populær blant nordmenn, ifølgje fersk statistikk frå SSB. I april i år var det registrert 36 prosent fleire overnattingar på campingplass, samanlikna med i fjor.

– Eg gler meg veldig til å vere på ein campingplass. Eg elskar alt campingplassen står for, som grilling, prating, latter og bading, seier Linn Skåber, som skal vere programleiar saman med Atle Bjurstrøm frå Kabelvåg camping.

Ho har gode minner frå då ho var på campingtur med tanta og onkelen då ho var barn.

– Det var så mange andre barn der, og kjensla av å vere ein del av eit fellesskap ein heil sommar, var heilt fantastisk.

CAMPINGSTEMNING: Både Linn Skåber og Atle Bjurstrøm seier dei har liten erfaring med campinglivet, men dei ser fram til stemninga på campingplassen når dei besøker Lofoten i slutten av juli.

For Atle Bjurstrøm blir dette ei relativt ny erfaring, men han gler seg.

– Eg trur eg har vore på camping ein gong. Og dersom eg hugsar rett, reiste vi heim igjen fordi vi ikkje fekk det til. Men den stemninga som er på ein campingplass er uslåeleg. Og det å få oppleve det, blir bra.

Kulturstrøm

  • «Ut og stjæle hester» beste film

    Pia Tjelta vant Amanda for beste kvinnelige hovedrolle i «Blindsone». Prisen for beste mannlige hovedrolle gikk til Tobias Santelmann for rollen i «Mordene i Kongo». Beste regi gikk til Hans Petter Moland for «Ut og stjæle hester».

    Pia Tjelta
    Foto: Jan Kåre Ness / NTB scanpix
  • Madrugada-vokalist til sykehus

    Madrugada har avlyst sin konsert i Sveits i kveld, etter at vokalist Sivert Høyem ble innlagt på sykehus lørdag morgen. Høyem skriver på bandets Facebook-side at han fikk smerter i brystet på flyet fra Bodø, men at det ikke skal være noe alvorlig. Fredag spilte bandet på Parkenfestivalen i Bodø.

    Sivert Høyem i Madrugada på Norwegian Wood.
    Foto: Arne Kristian Gansmo / NRK
  • Hamar Arbeiderblad hacket

    Ukjente hackere overtok forsida til Hamar Arbeiderblads nettutgave fredag kveld, skriver medier24. Et bilde og teksten «Fuck ISIS - Stop the Waar» møtte leserne. Sjefredaktør Carsten Bleness sier avisa raskt fikk fjernet plakaten, og at de nå jobber med å styrke egen sikkerhet.