Onsdag 20. juni får me eit innblikk i kva som skjedde bak scena då Justin Bieber skulle halde konsert i Oslo den 30. mai i programmet «Justin Bieber live i Oslo».
Programmet blir fyrst vist her på NRK.no onsdag kl 12. Vanleg TV-visning blir onsdag kveld kl 21:30.
Politiet trua lenge med å avlyse heile konserten på grunn av tryggleiken. Men til slutt fekk tusenar av fans sjå idolet sitt på scena.
- LES OGSÅ:
Endringar
I programmet får me sjå korleis arrangørane måtte gå vekk frå at Bieber skulle komme på scena som låg på vatnet frå ein båt.
– Eg synest ikkje me skal ha med at Justin kjem med båt som ein del av showet, seier Tom E. Marzullo, turnéleiaren til Justin Bieber, og får til svar at det er blitt kutta ut.
Mange fans tok vassvegen for å kome nær idolet sitt, nokre av dei i små og enkle gummibåtar.
- LES OGSÅ:
Avlyse eller ikkje?
Det var også ein del fram og tilbake hos politiet denne dagen.
– Me sit her og lurar på om me skal avlyse eller om me skal la ballen gå vidare, seier Magnus Strande, innsatsleiar i politiet i ein telefon.
– Kor mange politieiningar har du tilgjengeleg i Oslo no? Du klarer å halde byen, for å seie det slik? spør han.
- LES OGSÅ:
– Kva skjer når han kjem på?
– Me er veldig bekymra over lokaliteten og at det er ein så stor artist om kjem. Det har vore mykje klemskader allereie. No er det roleg, men når han kjem på scena, kva skjer då? spør innsatsleiar i politiet, Arve Røtterud.
– Bekymringa har vore stor hos politiet, seier han.
Minst 20.000 ihuga Bieber-fans møtte opp, men berre 5.000 fekk plass på operataket. Noko som førte til lettare kaotiske tilstandar i Oslo sentrum.
49 jenter fekk småskadar og 14 vart køyrde til legevakt, men ingen av dei fekk alvorlege skader.
Syng a capella
I programmet får du også, i tillegg til sjølve konserten og kaoset rundt, sjå Bieber bli intervjua av Fredrik Skavlan.
Skavlan får blant anna ut av superstjerna kva slags kjæraste han er. Og Skvavlan utfordrar han også til å synge a capella.
- LES OGSÅ: