NRK Meny
Normal

- Tek ein stor sjanse

Pønklegenda Johnny Rotten prøver seg som skodespelar i ny norsk film.

Video nsps_upload_2010_2_26_13_6_21_2486.JPG
Denne videoen er dessverre ikke tilgjengelig. Kontakt oss dersom du har spørsmål.

30 år etter at punkarane i Sex Pistols sjokkerte verda, er vokalisten John Lydon, betre kjent som Johnny Rotten, i Oslo for å spele i ein norsk film.

- Eg kan ikkje spele, eg gjer alt i fri form, det er min stil. Dei har teke ein stor sjanse med å satse på meg, ein verkeleg stor sjanse, seier John Lydon.

Opprør mot foreldregenerasjonen er tema for filmen "Teori og praksis", der handlinga er lagt til Bærum på slutten av 70-tallet, då Sex Pistols hadde sitt store gjennombrot.

Video nsps_upload_2010_2_26_13_11_16_2487.jpg
Denne videoen er dessverre ikke tilgjengelig. Kontakt oss dersom du har spørsmål.

Sjå Johnny Rotten i Fri dressur under filminnspelinga.

Kjend for å provosere

Å vere skodespelar er nytt for Johnny Rotten. Med narkotikabruk og fillete klede skapte han skandaleoverskrifter som vokalist i pønkbandet Sex Pistols. Songar som Anarchy in the U.K. og God Save the Queen fekk mange britar til å setje teen i halsen.

Sex Pistols i Oslo.

Sex Pistols i Oslo i 1977.

Foto: Laurvik, Henrik / SCANPIX

Verkeleg berømte vart Sex Pistols i 1976, etter at dei hadde vore med i det populære tv-programmet Today, og ein av bandmedlemmane fyrte av nokre saftige gloser mot programleiaren. Bandet vert rekna for å vere starten på den britiske pønken, trass i at det vart oppløyst etter berre nokre få år.

Speler seg sjølv

Ein kopp te vert etterlyst med stor munterheit medan filmteamet gjer seg klar for opptak i Oslo.

- Eg er engelsk, eg elskar teen min, det er alt eg vil ha. Eg gjorde denne filmen for ein kopp te, ler John Lydon.

Den no 54 år gamle Johnny Rotten er i Noreg for å spele seg sjølv i filmatiseringa av romanen Teori og praksis av Nikolaj Frobenius. Det var inga enkel sak å få han til å stille i filmen, men skodespelarkollega Sven Nordin er godt nøgd med at det gjekk i orden.

Aasmund Høeg og Johnny Rotten

Hovudrolleinnehavar Aasmund Høeg og Johnny Rotten.

Foto: Lars Myhren Holand

- Det er fantastisk at han har sagt ja til å vere med. John Lydon er eit stort førebilete for hovudpersonen i filmen, som byrjar å spele i pønkband. Då er Johnny Rotten og Sex Pistols dei store heltane. Difor er det heilt fantastisk og ein kjempebonus for oss at han er med, seier Sven Nordin.

Sven Nordin speler ein '68-ar-pappa med ein son som gjer opprør, og søkjer tilflukt i pønkrocken. Far og son har flytta til drabantbyen Rykkin i Bærum, som i teorien skal vere den perfekte staden å vekse opp. I praksis vert det annleis. Det er opphavet til roman- og filmtittelen Teori og praksis.

Sex pistols vart vendepunkt

Nikolaj Frobenius

Forfattar Nikolaj Frobenius har skrive romanen filmen er basert på.

Foto: Solum, Stian Lysberg / SCANPIX

Historia er basert på forfattaren sine eigne opplevingar, og den musikken han sjølv likte då han var ung.

- For meg var det eit skikkeleg vendepunkt i livet, første gongen eg høyrde og Sex Pistols Johnny Rotten raspande rasande stemme, fortel Nikolaj Frobenius.

No følgjer forfattaren spent med på opptaka. Han trur Sex Pistols vart påverka ungdomskulturen og ein heil generasjon, fordi ungdommar vart inspirerte til å gå ut og lage eigne band og fanziner.

Kulturstrøm

  • Utseld Guns N' Roses-konsert

    Torsdag spelar Guns N' Roses comeback-konsert for eit utseld Valle Hovin, skriv NTB. Etter mange år med uvenskap og trøbbel, har det famøse bandet funne saman igjen. I 2012 var gitarist Slash gjest hos NRKs Ole Torp. Då var han ikkje så gira på å snakke om fortida:

    Gitarist Slash var torsdag gjest i Aktuelt hos Ole Torp. Se hele intervjuet her.
  • Står Cardi B for årets video?

    MTV har presentert lista over dei nominerte til årets musikkvideo-prisutdeling, ifølgje Paper magazine. Rapstjerna Cardi B og ekteparet Beyoncé/Jay-Z (The Carters) leiar med flest nominasjonar. I kategorien årets video er følgjande nominert: Cardi B, Camila Cabello, Bruno Mars, Ariana Grande, The Carters, Childish Gambino og Drake. Les om kvifor Childish Gambinos musikkvideo skaka verda tidlegare i år.

    Cardi B
    Foto: Evan Agostini / AP