Kanye West og Kim Kardashian blant dei mektigaste på nettet

For andre år på rad har nyheitsmagasinet Time laga ei liste over dei 30 personane som har mest innverknad på internett. Dei har lagt vekt på den globale innverkninga på sosiale medium, og i kva grad dei klarer å få merksemd for det dei deler på nettet.

Kanye West

Rapparen Kanye West har fått mykje merksemd for meldingane han legg ut på Twitter. Mange blei provoserte då han hevda at overgrepsskuldingane mot Bill Cosby var grunnlause:

Han har også kome med stikk mot Taylor Swift, tvitra at han er blakk, og bede Facebook-gründer Mark Zuckerberg investere ein milliard dollar i framtidige prosjekt og lansert, trekt tilbake og relansert den nye plata si «The Life of Pablo». Enkelte kallar det unormalt, West kallar det samtidskunst:

Kim Kardashian

Kona til Kanye West, Kim Kardashian er også på lista. Realitystjerna blir følgd av over 120 millionar menneske på Twitter, Facebook, Instagram og Snapchat. Saman med mora, søstrer og halvsøstrer tener ho store pengesummar på dele privatlivet sitt gjennom sponsa innlegg. I løpet av det siste året har ho lansert mobilappar og eigne emojis – Kimoji:

Caitlyn Jenner

Caitlyn Jenner blei født som William Bruce Jenner. På 1970-talet var han ein av dei beste tikjemparane i verda og deltok i OL. Han er faren til Kendall og Kylie, som er halvsøstrene til Kim Kardashian. Jenner stod fram som kvinne i fjor, og blei med det den mest kjende transkjønna personen i verda. Fire timar etter at Jenner starta konto på Twitter, hadde ho ein million følgarar. Og slo med det rekorden til president Barack Obama.

Donald Trump

Presidentkandidaten er ein ivrig brukar av sosiale medium. I tillegg til å presentere eigen politikk, bruker han nettet til å kome med karakteristikkar av konkurrentar og meiningsmotstandarar. Som då han kalla Marco Rubio for «lille Marco»:

Men også kandidatar frå andre parti får sitt:

Med sine nesten sju millionar følgarar på Twitter er han den desidert største presidentkandidaten i USA no.

Andre på lista

Blant dei andre namna på lista over personar med innverknad på internett finn vi komikaren og talkshow-verten James Corden, som blant anna har fått Adele synge karaoke i bilen.

J.K. Rowling har brukt nettet til å vidareutvikle universet rundt Harry Potter, men har også skapt overskrifter ved å samanlikne Donald Trump med Voldemort:

Elles finn vi namn som fotballspelaren Cristiano Ronaldo, statsminister i India, Narendra Modi og gamer og Youtube-stjerne PewDiePie på lista.