På scena er han heime, det er der han føler seg mest trygg. Allereie første gong han skulle spele oppdaga han det; - Dette likar eg tenkte han, og sidan har han vore på scena så ofte han kan.
Om Håkon kjem vidare frå Nettsjansen til Kjempesjansen får vi høyre han med "Susan when she tried", der både tekst og melodi er skriven av Don Reid. Den songen kan du og høyre i
hans.Pinleg
Men det har ikkje alltid vore like kjekt der oppe, ein gong drakk han infisert vatn, og under avsluttingsnummeret gjekk det nesten gale. Han kasta gitaren, sprang av scena og turen gjekk mot utedoen i mørket. Heldigvis rakk han fram, men likevel stoppar ikkje historia der, doen var blitt brukt av ca. 500 fulle bønder heile kvelden, så det var nok ei ubehageleg oppleving. Det er ei historie han nok aldri gløymer, men likevel verkar det som at kvar gong Håkon går på scena er det med full konsentrasjon og ro.
Kjerringemne
Rett før Håkon skal på scena ser han på publikum frå bak sceneteppet, ikkje for å sjekke om det er mange som har møtt fram, ikkje for å sjå om vener er til stades, men av den enkle grunn at han ser etter eit kjerringemne, som han kallar det sjølv.
Åt opp løna
Mange jobbar har det vore for 26 åringen opp gjennom åra, i dag jobbar han som rørleggar og trivs godt med det, men han har og blant anna jobba med å kjøre ut pizza til folk.
- Eg åt for meir enn eg hadde i løn.
Men frå å ete opp løna si drøymer Håkon no om å bli ein Noregskjent artist, Noreg er stort nok. Draumen hans er at folk skal stoppe han på gata å seie: - Du er jammen flink!
Kva vil du bruke pengane du vinn til?
- Gå ein tur på kino svarer han kort på det. Men vi vil nok tru at når kinoturen er ferdig vil nok pengane gå til draumen om å bli ein Noregskjent artist.
På gøy med Håkon:
Kva er det mest sære kan finne på når du har ein fridag?
Synge Sandbeck-viser for nabokjerringa som er 91 år!
Samlar du på noko?
Eksdamer og LP-plater. Har like godt forhald til alle saman.