Det var på 1980-talet representantar for ein ny klassisk musikkonkurranse kom til Slottet for å be om lov til å bruke den dåverande kronprinsessa sitt namn.
– Først tenkte eg: «dette har eg jo ikkje greie på i det heile tatt, eg er sikkert feil person, fortel dronning Sonja.
– Men så tenkte eg at dette kanskje var ein fin måte å lære om kva som skjer på det feltet. Og eg har verkeleg lært utruleg mykje, eg har fått treffe dei store stjernene i juryen og hatt svært mange flotte møte og opplevingar.
Konkurransen heiter «Dronning Sonja Internasjonale Musikkonkurranse» og arrangerast annakvart år.
– Ein trur nesten ikkje det er mogleg
Dronning Sonja har følgt sin eigen konkurranse på nært hald gjennom dei 25 åra sidan oppstarten i 1988. Etter to konkurransar for klaver har den sidan 1995 vore ein rein songkonkurranse, arrangert annakvart år.
– Finalane i konkurransane har vore som eventyr, utruleg flotte opplevingar, seier dronning Sonja.
– Når ein høyrer desse flotte stemmene, trur ein nesten ikkje det er mogleg. Eg er ikkje i stand til å avgjere kven av finalistane som er best.
(Artikkelen held fram nedanfor videoen.)
Sjå heile intervjuet med dronning Sonja:
Arild Erikstad intervjuar dronning Sonja.
– Hadde store høgtalarar på grunn av Haakon
Både kronprins Haakon og Märtha Louise er som kjent svært musikkinteresserte, men dronninga er usikker på kor mykje ho har påverka dei.
– Synge kan eg ikkje, men eg har jo vore interessert, og eg ville veldig gjerne at dei skulle bli interessert i musikk også. Så vi tok dei med til kulturskolen i Bærum.
Les:
Dronninga erkjenner at det blir mindre musikklytting no då borna budde heime:
– Vi hadde store høgtalarar alle stader, ekstra store på grunn av Haakon. Men i min alder blir det ikkje like mykje «beat og rock» som i 40-årsalderen, slik vi nyleg opplevde med kronprinsen!
Les:
Skulle gjerne gått oftare på jazzkonsert
Dronning Sonja får mange musikkopplevingar på sine reiser i Noreg, men set også stor pris på å høyre musikk når ho køyrer bil. Favorittsjangeren er jazz:
– Eg synest jazz er fantastisk. Eg var så heldig å ha ein bror som spelte klaver og saksofon i band, så eg høyrte på dei og song med allereie då eg var lita.
Av gode jazzopplevingar trekkjer dronninga fram sine besøk på jazzklubb i Washington – og opningskonserten under Oslo Jazzfestival i august.
– Eg skulle gjerne gått oftare på konsert, det må eg bli flinkare til!
Norske Hamida Kristoffersen i finalen
Hamida Kristoffersen.
Foto: Fred Olav Vatne / NRK40 songarar frå 24 land kom gjennom nålauget til årets utgåve av Dronning Sonja Internasjonale Musikkonkurranse. Etter dei innleiande rundane er no fem songarar frå Noreg, USA, Frankrike og Russland klar for finalen.
Hamida Kristoffersen (25) frå Bjarkøy i Troms er den einaste norske songaren som har nådd heilt til finalen. Ho har allereie vunne ein pris under konkurransen – for beste framføring av norsk musikk, nærare bestemt Fartein Valens «Ave Maria.»
Del 1 av finalen går på NRK2 frå kl 19.00, del 2 og prisutdelinga går på NRK1 kl 20.40.
Marita Sølberg vann konkurransen i 2001 og Audun Iversen i 2007. I 2011 gjekk sørkoreanske Donghwan Lee til topps.
Les:
Les:
