Laurdag 19. november skal verdscupen i langrenn opnast med 10 km fristil for kvinner og 15 km fristil for menn på Beitostølen.
Men der er det bortimot snøtomt, og vêrvarsel med lite nedbør og varmegrader gjev ikkje stort håp om at det blir renn i fjellbygda i Øystre Slidre.
Bestiller hotellrom
Nå kan Natrudstilen på Sjusjøen bli løysinga i staden.
– Vi ser på Sjusjøen som eit alternativ. Vi skal gjere det vi kan for å få til verdscupopning i Noreg. Beitostølen er fyrsteprioritet, så får vi sjå det an i forhold til kuldegradene og moglegheiter for snøproduksjon, seier arrangementssjef i Norges Skiforbund, Terje Lund til Hamar Arbeiderblad.
Ifølgje avisa skal han på synfaring på Natrudstilen i morgon, og han er allereie i gang med å sikre hotellrom på Sjusjøen.
- Jobber dugnad for å lokke skiløperne til Beitostølen
- Går mot avlysning på Beitostølen
- Beitostølen vrakes til fordel for Lillehammer
- Östersund vil ikke arrangere langrenn
– Sjusjøen er klare
Natrudstilen skal arrangere verdscup i kombinert fyrste helga i desember, og har derfor mykje av det nødvendige utstyret på plass.
– Eg vil presisere at det ikkje er avlyst på Beitostølen. Men dersom vi får snø og får ein førespurnad frå Skiforbundet, er vi klare, seier løypesjef Johannes Haukåssveen på Sjusjøen.
– Vi føler uansett med dei på Beitostølen. Vi veit kor mykje arbeid dette er, og håpar at dei skal klare det, seier Haukåssveen.
Sesongens første skiløyper kjøres på Sjusjøen
