Mistenkeleg dødsfall i Åsnes: Fann livlaus person utandørs

Det skriv politiet i Innlandet i ei pressemelding.

Politiet trur dei veit kven den avdøde er, og jobbar med å varsle dei pårørande.

Personen vart funnen i eit bustadområde i Åsnes kommune i Innlandet måndag ettermiddag.

Ein nabo varsla politiet om funnet rundt klokka 13.45.

Mistenkeleg dødsfall

Politiet er tidleg i etterforskinga og veit ikkje om det har skjedd noko kriminelt.

– Om det er snakk om eit naturleg dødsfall eller ei kriminell handling er det for tidleg å seie noko om, seier Dalsveen.

Til VG seier ho at det er eit mistenkeleg dødsfall i og med at personen vart funnen utandørs.

Gjer undersøkingar

Utover kvelden skal krimteknikarar undersøke funnstaden og den avdøde.

Det vil vere vakthald på staden fram til undersøkingane er gjort.

Politiets innsatsleiar på staden, Merete Hjertø, seier politiet gjer teknisk og taktisk etterforsking på staden måndag.

– Vi har drone i lufta, hund på staden, vi har starta rundspørjing og vi har krimteknikarar som jobbar på staden.

Eit område, mellom anna eit bustadhus, er sperra av.

Den avdøde skal bli obdusert.

– Vi har tatt utgangspunkt i at det er eit mistenkeleg dødsfall. Då gjennomfører vi dei undersøkingane vi treng, seier Hjertø.