Frankmotunet får truleg bestå

I kveld blir framtida til Frankmotunet i Folldal avklart. Da møtest Helse Sør-Øst og styret i Tyrilistiftelsen.

Frankmotunet er ein rusinstitusjon som eigaren Tyrilistiftelsen har foreslått å legge ned.
Det er fordi dei har mista avtale om 27 behandlingsplassar.

Nå tyder opplysningar NRK har fått, på at det likevel blir behandlingsplassar i Folldal også i framtida.

Helse Sør-Øst har tidlegare gitt uttrykk for at dei er skeptiske til ei nedlegging i Folldal fordi det råker 29 tilsette og 23 klientar.
Det har vore store protestar lokalt og 700 personar gjekk i demonstrasjonstog for å bevare Frankmotunet i januar.