Politiet melder om at det er tre individuelle ulukker som har skjedd med nokon minutts mellomrom i morgontimane tysdag.
Ein lastebil køyrde først av vegen på Dovrefjell. Ein brøytebil kom til staden og sklei sjølv av. Ein tredje såg kva som hadde skjedd og enda med å sakse over vegen den også.
– Her har det vore veldig glatt på eit kort stykke. Det er ikkje uvanleg at dette er ei skummel strekke, seier Innsatsleiar, Ingrid Tøndel.
Bergingsbilar jobbar no på staden for å berge bilane. Ifølge innsatsleiaren kjem dei til å måtte jobbe heile dagen for å få rydda.
Vegen er salta og vegen er opna for trafikk i eitt felt forbi ulukkesplassane. Det er redusert kapasitet og manuell dirigering, ifølge Vegtrafikksentralen.
Var kraftig vind
Det vart meldt om kraftig vind på fjellovergangen. Ifølge Vegtrafikksentralen var det vindkast opp i mot 20 meter i sekundet i morgontimane.
– Det er kraftig vind der oppe, luftambulansen prøvde å fly opp dit men kom ikkje heilt fram på grunn av vind. Så vi har tatt den skadde med ambulanse til luftambulansen, som blir følgt opp der, sa Haagen Løvseth i politiet tidlegare på morgonen.
- Det såg ut til å bli dramatisk då det begynte å brenne i ein bensinstasjon på Nes i Ringsaker. Ein person vart sendt til Haukeland.
Ein person er skadd og sendt til sjekk på sjukehuset i Lillehammer, melder politiet. Det skal ikkje vere alvorlege skader.