– Dei har ofte for tynne klede, og gjerne joggesko oppe i snø. Det verste er kanskje sandalar, seier Helene Odven som er dagleg leiar i Turistforeningen.
Hos Den Norske Turistforening i Bergen får dei besøk av mange som klart ikkje er budde på høgfjellet.
- LES OGSÅ:
– Me brukar ein del tid på å forklare korleis forholda kan vere på denne tida av året og at det er midt mellom to sesongar. Det er mange forholdsreglar å ta, seier Margaret Aare i Turistforeningen.
– Må bli flinkare til å åtvare
Chris Lake og Tamsin Howe frå England har mange spørsmål før dei skal tilbringe fem døgn på Hardangervidda. Det er første gong til fots i norske fjell, og dei vedgår at dei ikkje heilt veit kva dei går til.
– Nei, ikkje eigentleg. Det einaste me veit er vel at der er ei vilt langskap, seier Chris Lake.
Helene Ødven, dagleg leiar i Turistforeningen, meiner reiselivet må bli flinkare til å åtvare om korleis turen kan bli.
– Reiselivet må bli flinkare til å fortelje om korleis folk kan planlegge turen sin. På nettsider og brosjyrar og andre stader me prøvar å lokke folk ut, må me også bli flinkare til å fortelje om kva forholdsreglar folk må ta.
«Skulle gjerne sett fleire her»
Margaret Aare seier ho gjerne skulle sett at fleire kom innom for å få gode råd før dei tek turen til fjells.
– Me prøver å forklare så godt me kan, men me veit at mange tek turen utan å kome til oss først. Me skulle gjerne sett fleire her, seier Aare.
- LES OGSÅ:
Chris og Tamsin har kjøpt kart og ullundertøy. Dei er klare for fem dagar for vidda. trur dei.
– Eg er litt redd for mengda med snø. Me har begge gått mykje i fjellet, men ikkje noko som dette. Det blir nok ein test.