– Dette blir tidenes VM, spesielt turen gjennom Sotra er jo så flott. Eg er supermotivert, sa Kristoffer Skjerping i mål på Festplassen i Bergen.
- Les òg:
Bergen og Noreg får sykkel -VM i 2017, og verdas beste syklistar skal sykle løypa gjennom Askøy, Fjell og Øygarden, før dei går mot mål forbi verdsarva Bryggen i Bergen.
At Bergen fekk sykkel-VM seier Skjerping var det som gav han motivasjonen han trengde til å ta bronsemedalje i helga. Turen var ei god førebuing for 2017.
– Løypa er ikkje spesielt hard, sa Skjerping etter turen.
Med på turen var òg Stian Remme som i helga la proffsyklist-karriere bak seg, og kjem til å følgje VM i 2017 frå sidelinja.
Todelt løype
FLEIRKAMERAPRODUKSJON: Med eit kamera på hjelmen, eit på styret, og eit på bakhjulet fekk Petter Goga testa fleirkameraproduksjon frå sykkelsetet.
Foto: NRKVM-løypa er delt i to, herreklassen syklar fyrst ut på Sotra via gamle vegen om Loddefjord/Laksevåg, vidare på gamlevegen til Fjell og så rundt på vestsida av Sotra til Ågotnes, før løypa går vidare til Kolltveit.
Syklistane skal så følgje hovudvegen inn til Loddefjord mot Puddefjordsbrua, der andre del av løypa startar. Del to er ei rundløype syklistane skal sykle 11 gonger.
Denne løypa går frå Michael Krohnsgate til Løbergsveien, via Minde, til Landås, Montana og Kalfaret, før dei skal legge kursen mot Kong Oscars gate, Øvregaten, Bontelabo, og til sist gå mot mål forbi Bryggen og inn mot Festplassen i Bergen.
Fleikameraproduksjon på sykkel
STYRTE STREAM: Frå sykkelen styrte Petter Goga streamingen av sykkelløypa syklistane skal bruke for å konkurrere om VM-gull.
Foto: NRKPetter Goga var kameramann under heile turen, og hadde heile tre kamera på sykkelen, og styrte kva bilete som skulle streamast med ein boks på styret.
– Eg tenkte me måtte prøve å sykle løypa, og streame det live med fleirkameraproduksjon frå sykkel, sa Goga før turen.
Ein monitor på styret gjorde at han hadde kontroll på kva som vart sendt ut.
– Men, den kan eg ikkje sjå for mykje på då, sa Goga.
SJÅ INTERVJU FØR AVGANG:
FØR AVGANG: Sjå intervjuet Kristoffer Skjerping, Stian Remme, og Petter Goga før avgang på det som blir løypa under sykkel-VM i 2017.
I MÅL:
I MÅL: Kristoffer Skjerping, Stian Remme, og Petter Goga kom i mål etter 3 og ein halv time på sykkelen.
