Kvinne funnet omkommet
Politiet har funnet en død kvinne ved Helleneset i Bergen. Politiet skriver på Twitter at de dermed avslutter leteaksjonen etter den 67 år gamle kvinnen, som siden natt til fredag har vært savnet fra sitt hjem.
-
-
Leitar med helikopter
Politiet opplyser at det er sett inn helikopter i søket etter ei sakna kvinne på Helleneset i Bergen. – Luftambulansen deltek, og etter kvart vil også redningshelikopter kome til. Den 67 år gamle kvinna er tynnkledd og har vore sakna sidan i natt.
Foto: Jan Børge Leirvik / NRK -
– Utfordrande leiting
Politiet fokuserer på å søke etter den sakna 67 år gamle kvinna i eitt område. – Vi søker no i Lønborglien og området rundt. Det er variert terreng i området, så søket er utfordrande, seier innsatsleiar Tom Johannessen. Kvinna er tynnkledd og om lag 170 cm høg.
-
Får hjelp frå Røde Kors
Politiet og 16 personar frå Røde Kors leitar etter ei sakna kvinna frå Helleneset i Bergen. – Kvinna går utan ytterklede, og vil ikkje klare seg godt i kulda, seier innsatsleiar Tom Johannessen. 67-åringen vart meld sakna av familien i natt.
Foto: Cato Heldal Kristensen / NRK -
Leiteaksjon etter sakna kvinne
Politiet opplyser at det er sett i gang ein større leiteaksjon etter ei sakna kvinne på Helleneset i Bergen. Kvinna, som er føydd i 1951, har gått ut frå bustaden sin i løpet av natta, og familien melde frå til politiet rundt klokka 04.00. – Ho er ikkje kledd for denne kulda, og vi har sett inn alle tilgjengelege ressursar. Vi leitar både på land og i vatn, fortel operasjonsleiar i Vest politidistrikt, Hans-Eirik Thue.
Foto: Cato Heldal Kristensen / NRK
