I helga arrangerer innbyggjarane i Voss konsert for å støtte dei som vart råka av brannen i Lærdal.
- LES OGSÅ:
Ei musikalsk helsing
Storheim fortel at det ikkje var vanskeleg å samla folk om å gjera noko for innbyggjarane i Lærdal.
– Voss er jo ei kulturbygd på lik linje med Lærdal. Difor tenkte me at det vart naturleg med ein konsert. Dette er ei musikals helsing til dei som vart råka av brannen, fortel Storheim.
Ho seier det er mange som har stilt opp for å arrangere konserten og at det er tydeleg at mange ynskjer å gjera noko for brannofra.
– Dette er frå heile Voss til Lærdal.
Øyremerkt borna
I tillegg til at billettinntektene går uavkorta til tiltak i Lærdal vert det også mogleg å sette pengar inn på ein konto.
Kontonummeret er 9581.13.35615.
– Midlane skal gå til aktivitetsskapande tiltak for born og unge i Lærdal fortel Storheim. Det trur eg vert viktig framover.
Konkret kva pengane skal gå til er førebels ikkje heilt klart.
– Det kjem an på kor behovet ligg, fortel Storheim.
– Alle har sagt ja
Iniativtakaren fortel at alle artistane som har blitt spurt om å vera med har sagt ja, og at alle stiller opp gratis.
– Responsen har vore overveldande. Det kjem både artistar frå Voss og Sogn og Fjordane.
Og det er ei lang liste med artistar som er med. Mellom anna kjem Linda Eide, Håkon Høgemo, Einar Mjølsnes, Twang Gang, Vossa Rebels, Berit Opheim og Bendik og Einar.
– Her er det noko for alle, eg håpar at både unge og gamle får med seg konserten.
Konserten blir på sundag klokka 18.00 i Voss kulturhus.