7. og 8. juni brakar det laus på Fana stadion i Bergen. Europameisterskap i Rugby vert arrangert, og då er tøffe taklingar og harde tak ikkje til å unngå.
– At ein får blåmerker og slikt merkar ein ikkje medan ein er på bana. Men ein kjenner det etterpå, seier Trude Olsen i ein pause på treninga.
Ho er ein av spelarane som til helga skal kappast om EM-medalje i rugby.
– Det er fyrste gong me har noko som liknar på dette arrangementet i Noreg. Det hadde vore veldig kjekt om me gjorde det godt, seier Olsen.
LES OGSÅ:
(Artikkelen held fram under biletet)
– Sporten passar nordmenn
Noreg er ein ung rugbynasjon, stadfestar trenar for landslaget, Scott Johnson.
– Noreg er heilt på grasrota i dette spelet. Me har få treningsanlegg, og du kan ikkje trene på vinteren på grunn av all snøen. Dette gjer at me får lita tid til å trene, men spelarane er verkeleg gira og entusiastiske.
– Slik sett passar sporten godt til nordmenn og kuturen her, meiner Johnson.
Trude Olsen er klar på kva ambisjonane for helga er.
– Målet vårt er å bli blant dei fire beste. Me håpar jo på å nå finalen, for då har me ein sjanse om å komme til OL i 2016.
Å komme lengst mogleg er kjekt, seier Johnson, men viktigast er det likevel at trenarane etter kampen kan seie at dei er fornøgde med sin eigen innsats.
– Så lengje me presterer bra og så lenge dei går av bana og kjenner seg stolte, er eg fornøgd.