- Ta tak i rusproblemet der og da! Det meiner Norsk Narkotikapolitiforbund, som nå vil kurse hedmarkingar og opplendingar i å sjå faresignala.
Må ta tak i problema
Erfarne politifolk skal nå lære bedriftsleiarar og andre i Innlandet om korleis narkotikamisbruk skal avslørast og følgjast opp, seier styremedlem Erik Strand i Norsk Narkotikapolitiforbund.
I oktober startar forbundet med fleire narkotikakurs i ulike delar av Hedmark og Oppland.
Mange skrik etter betre kunnskap om korleis dei skal oppdage og takle narkotika- og pillemisbrukarar dei har rundt seg dagleg. Narkotikapolitiforbundet har blant anna kursa dei tilsette i dei 11 asylmottaka til Norsk Mottaksdrift på det indre Østlandet.
Held kurs gratis
Narkopolitiet sine kurs andre stadar i landet har hatt kjempeoppslutnad. Fleire bedrifter i Hedmark og Oppland har også blitt kursa.
I haust tilbyr forbundet fleire kurs i Hedmark og Oppland for blant anna bedriftsleiarar, lærarar og folk i helsetenesten.
Og medlemmane i Norsk Narkotikapolitiforbund er så engasjerte at dei held kurs utan betaling, og som oftast i eiga fritid.