Laget er valt ut av Det europeiske fotballforbundet (Uefa) og inneheld fire spelarar frå meisterlaget Chelsea. Cole Palmer, Enzo Fernández, Tosin Adarabioyo og Filip Jørgensen er teken ut.
På venstre kant har Nguen fått plass. Nordmannen skåra tre mål og hadde fem målgivande pasningar på elleve kampar. Djurgården tok seg heilt til semifinale der det vart exit for Chelsea med 1–5 samanlagt.
Deretter vann Chelsea 4–1 over Real Betis i finalen.
Nguen kom til Djurgården frå ungarske Ferencvaros i mars 2024. Før det spelte han i Strømsgodset og Mjøndalen.
31-åringen fekk i 2021 sin debut for det norske landslaget mot Gibraltar. Det er hans hittil einaste landskamp.
Laget (4-3-3): Filip Jørgensen (Chelsea) –, Youssouf Sabaly (Real Betis), Tosin Adarabioyo (Chelsea), Natan (Real Betis), Robin Gosens (Fiorentina) – Svit Sešlar (Celje), Isco (Real Betis), Enzo Fernández (Chelsea) – Cole Palmer (Chelsea), Afimico Pululu (Jagiellonia), Tokmac Nguen (Djurgården).
Djurgårdens Tobias Gulliksen (21) fekk prisen som årets unge spelar i turneringa. Gulliksen fekk 68 kampar for Strømsgodset før han bytte til Bodø/Glimt. Der vart det elleve kampar før ferda gjekk vidare til svensk fotball.
(NPK)
