Etter at Norges Bank selde Den Kongelige Mynt i Kongsberg, skal det no avgjerast kven som skal ha ansvaret for myntsamlinga.
Norges Bank si myntsamling er ein nasjonal skatt som har 30.000 delar. Det er myntar, medaljer, pregeverkty, myntmodellar, teikningar og anna produksjonsutstyr.
Det er ikkje sikkert at den unike samlinga blir verande på Kongsberg etter at Norges Bank har seld Mynta til Samlerhuset AS og Mint of Finland.
Fylkeskultursjefen ønskjer ikkje at Samlerhuset AS som no er medeigar i Mynta, skal ha ansvar for myntskatten.
Bergverksmuseet og mynthistoria er naturleg knytta saman, meiner fylkeskultursjefen.