Politiet melder at naudetatane er på veg til huset som brenn i Rabbenveien i Skien på grensa til Porsgrunn ved Tollnes. Det er ein einebustad som brenn.
Politiet melder at det er full fyr i 2. etasje i bygningen. Huseigaren er kontakta av politiet som opplyser at det ikkje skal bu folk i huset.
Har kontroll på brannen
Politiet melder at brannvesenet fekk kontroll på brannen klokka 19.55 fredag kveld.
– Brannvesenet har nå kontroll og driv med ettersløkking, seier innsatsleiar i politiet, Bjørn Olav Eilefstjønn.
Han fortel at huset var under oppussing, og at brannteknikarar frå politiet vil undersøke staden med tanke på å finne brannårsaka.
Røde Kors er også på staden for å hjelpe til.