Det er
som kan fortelje at Brann har bladd opp sju millionar kroner for midtbanespelaren som i fjor var ein svært viktig spelar for Sogndal.Sogndal sa i forrige veke nei til eit bod på to millionar for den 23 år gamle spelaren frå Senegal. Men då Brann la på fem millionar gav Sogndal slepp på han.
- LES OGSÅ:
- LES OGSÅ:
Dagleg leiar Egil B. Mundal i Sogndal stadfestar at dei to klubbane er samde om overgangen.
– I kveld eller i morgon reiser Badji til Bergen for medisinsk test og for å skrive personleg avtale med Brann.
– Dette er ein viktig spelar, kanskje den beste i fjor, og de har tidlegare gitt tydelege signal om at de ville behalde han, kvifor sel de han då?
– Det har vore ei totalvurdering der både økonomi og spelarvurderinga har talt.
– God og viktig avtale
– Var det slik at de fekk så mykje pengar at de ikkje kunne seie nei?
– Vi kan alltids seie nei, men dette er ein god og viktig økonomisk avtale for Sogndal Fotball, og det er noko av det viktigaste for oss for å kunne utvikle klubben.
Mundal vedgår og at det har spela ei rolle at Badji har gitt klart uttrykk for at han vil til ein større klubb.
– Alt er med i ei totalvurdering. Det skal seiast at det ikkje har vore berre berre å vere Badji heller, og eg trur at han ville ha vore ein proff spelar for oss om han hadde blitt til sommaren, men no vart vi samde med Brann, og det er vi vledig godt nøgde med.
Mundal vil ikkje stadfeste, heller ikkje avkrefte summen på sju millionar korner som tv2.no har kome med.
NRK veit at beløpet skal vere i underkant av sju millionar kroner, og at deler av dette blir betalt for kvar kamp Badji spelar for raudtrøyene. I tillegg har Sogndal sikra seg prosentar ved eit eventuelt vidaresal.
Sportsleg leiar Håvard Flo i Sogndal Fotball har denne kommentaren:
– Sogndal har nok ein gong levert toppspelarar vidare i norsk toppfotball, det er vi i klubben stolte av. Som klubb er vi godt nøgd med det Badji har prestert for Sogndal, og vi ynskjer han alt godt i fortsettinga.
Dette er noko leiar Vidar Vadseth i supporterklubben til Sogndal, Saftkokaradn, ikkje er særleg glad for.
– Dette var synd, han er den beste spelaren vi har. Badji var viktig for oss i fjor, og han ville ha blitt endå viktigare i år, så dette var skikkeleg synd.
Men han og resten av Sogndal-tilhengarane er vande med at gode spelarar forsvinn frå Fosshaugane Campus.
– Vi lever av å selje dei beste, det er den posisjonen vi har i norsk fotball, vi må vel berre avfinne oss med det.
Skral poengfangst utan Badji
Vadseth er nøgd berre Sogndal overlever i eliteserien, og han meiner Stéphane Badji hadde mykje av æra for at klubben greidde seg i 2012.
– Då ha var vekke og spela for Senegal under OL i London i fjor sommar var poengfangsen skral for Sogndal. Det var merkbart at han var vekke i fleire kampar.
– Trur du han kan bli skilnaden mellom fornya kontrakt eller nedrykk i år?
– Det kan han bli, iallfall dersom han ikkje blir erstatta, men det vil tida vise. Vi har mange unge spelarar, men dei kan ikkje levere i 30 kampar.